ПУТМ е повеќедневен интернационален натпревар во планинско трчање, што ќе заземе простор на целата површина на Националниот парк Пелистер и поголемиот дел од Баба Планина.
Нашите рути водат низ официјално маркирани и најчесто користени планински патеки, но, ние исто така, внесуваме и нови патеки кои се ретко користени и припаѓаат на оригиналните, историски и заборавени од времето, патеки на Баба Планина.

Зад PUTM стои цврст тим кој има искуство во планинските авантуристички спортови, активно вклучени во спортот, како и луѓе кои се секојдневно на планина, стари и млади жители од руралните средини кои се наоѓаат во падините на Баба Планина. Нашата заедничка и единствена цел сте – Вие-планинските тркачи, да Ви овозможиме и помогнеме да ги реализирате Вашите тркачки соништа.